Sign In

證婚Rundown&Checklist|細微位 你要知

資訊由壹誓證婚服務提供

婚禮前一日

  • send Vendor list contact同Rundown俾兄弟姐妹
  • send返Rundown俾婚禮日商戶。
  • 提醒自己、另一半同見證人要帶身份證明文件(香港人:身份證、其他國藉:旅遊證件&入境記錄)

如果新人於現場無法出示身份證明文件,律師辨別唔到您地嘅身份,當日就無法進行證婚; 而如果見證人唔記得帶嘅話,就可以選擇轉見證人。但由於結婚證書一早已列印好,所以到時只可人手劃花證書以作修改。

另外,如婚姻登記處有額外要求,新人亦需按婚姻登記處額外要求攜帶相關文件正本及影印本到場供律師認證。

到達現場後第一件事:檢查物資和佈置是否齊全,事先送到場地的物品有無錯漏。

準備|簽到檯 Reception

之後就簽到檯嘅人手安排喇!首先有2個大原則要記住:

  • 男女家至少各有一位認得到人既親戚
  • 確保任何時候都有人係簽到枱(例如證婚儀式時,開席後,兄弟姊妹大合照時,親戚大合照時)

兄弟姐妹職責|迎賓唔只邀請賓客簽名咁簡單

除此之外,係簽名檯上都要準備定以下物資:

  • 點名紙/座位表:建議按人名姓氏分組排
  • 長型利是封:比賓客即時入人情
  • 不透光的放人情袋
  • 膠片/膠file:避免結婚相變花面貓

另外,如果簽名檯佈置係由兄弟姐妹幫手嘅話,都可以事前影底張相,Mark好邊個位擺咩野,會令到兄弟姐妹易D佈置到你心目中既模樣。

準備|儀式前

證婚之前,記住留最少5分鐘一齊見律師:

律師一般會係婚禮前15分鐘去到現場做準備同做Briefing,大多都會帶埋羽毛筆、介指枕同簽名托板到現場供借用

去到現場會有份聲明比準新人簽名同對返你地同見證人嘅身份證明文件。

另外,如果有席前小食的話,都可以由司儀邀請賓客放低D杯同坐定定等新人進場。

證婚儀式

  • 司儀控制場面 – 邀請賓客於儀式進行期間保持安靜+關掉手機或轉為不嚮鬧的模式; 並邀請主婚人上台就坐
  • 司儀邀請新人進場 – 要留意進場安排: 1. 有無兄弟姐妹?花童? 2. 新娘由邊個帶入場?
  • 律師上台&宣讀法定致詞

在兩位結為夫婦之前,本人在職責上要提醒你們:根據《婚姻條例》締結的婚姻是莊嚴而有約束力的,在法律上是一男一女自願終身結合,不容他人介入。因此,[新郎姓名]和[新娘姓名],你們的婚禮雖然沒有世俗或宗教儀式,但你們在本人和現時在場的人面前當眾表示以對方為配偶,並為此簽名為證後,便成為合法夫妻

  • 新人宣讀誓詞+交換結婚戒指

新娘讀誓詞好大機會爆喊,所以要有新郎衫袋要有紙巾,同兄弟姊妹拎定紙巾在台邊Standby

  • 揭頭紗

好多時候新郎會輕視揭頭紗嘅動作,以為可以一氣呵成完成揭頭紗嘅動作。但要留意返,當日禮服相對比較貼身嘅時候,就有機會將頭紗揭至一半,才發現無辦法將頭紗揭起並放到新娘背後,屆時就有可能採取較大的動作,有機會整亂新娘嘅髮型!

揭頭紗, 唔簡單 !

點解新娘要戴頭紗?

  • 世紀之吻

  • 簽署結婚證書&宣告禮成

律師離開

  • 由司儀帶領切結婚蛋糕+祝酒 (如有)

  • 由司儀帶領退場 (如有)

更多婚禮籌備資訊

籌備貼士 Planning Tips

兄弟姐妹職責|迎賓唔只邀請賓客簽名咁簡單

大日子當日的每一刻,每一位兄弟姐妹都會有唔同嘅職責~ 職責1:協助賓客搵到自己所屬既座位 要留意!確認清楚賓客的身份,而如果知道係「闔府統請」而黎既人數同座位表編配有落差,就需要通知返新人並作出相應安排 職責2:邀請賓客參與娛賓活動 有準備咗Photobooth、Candy corner、麻雀等娛賓活動的新人,都希望賓客投入<參與!所以當賓客係接待位置簽完名之後,就可以主動邀請賓客參與活動,同佢地講有D咩玩、帶埋佢地一齊去玩,令佢地更投入婚禮~ 職責3:負責補敬茶 要留意!確認新人名單上的賓客是否已到達並邀請進行敬茶環節,於敬茶完成後亦紀錄低「已敬茶」避免重覆 職責4:時間管理大師 時刻跟緊schedule同Rundown,係時限前通知相應人士作準備 職責5[最重要]:收禮 任務1:負責招待賓客&邀請賓客簽名&接收禮金;接收禮金嘅時候,記得睇埋利是上面有無寫名同時要擺定幾個利是俾直接俾現金嘅賓客 任務2:係利是上面mark底編號+賓客名;大部份賓客可能只會簡寫自己個名,建議可以寫底男/女家親友、輩份…… 迎賓環節完左之後,記住要將所有禮金拎返入新娘房並留返一位兄弟姐妹係接待處到繼續招待遲到嘅賓客 任務3:盤點禮金金額&係利是上面mark底埋金額;⚠️盤點禮金金額時候,唔應該將所有利是內拎現金出黎,避免混亂