真係好慶幸籌備婚禮過程中請到MC Jacky你。🙌🏻😆
由第一日見面傾rundown，Jacky 你俾我地嘅感覺已經好似朋友咁，同時亦好專業咁引導我地講返我地兩位嘅故事，我哋一路講你都好認真咁寫低，最後係婚禮講得返哂我哋既故事之餘重加左啲驚喜，完全顯示到Jacky你對新人既重視認真，更加會做多步，力求賓客聽到都好有趣，所有人都好enjoy!
除此之外，我哋間中有問題時問Jacky，你都會好快咁解決我地嘅問題，Jacky係由Day 1 已經俾到信心人，甚至乎未到婚禮個日已經推介左你俾朋友。
到結婚當日，Jacky你果然無負我哋所望，表現十分出色，好早到左之餘，亦guide到一班兄弟姊妹，好細心咁照顧住每個細位。不同嘅環節有Jacky你帶住，所以都行得好好。有Jacky係到，係令到個婚禮做到我哋想要既效果，最後賓客都好鍾意成晚既流程安排同氣氛。
真係好多謝你Jacky為我哋同大家帶來愉快既一晚。我哋一定會將你推介俾其他人，祝生意興隆！😊❤️