【新場速遞】2025全新戶外婚禮場地「Aura Garden」 – 陽光微風目證永恆誓約！
各位準新人係咪都幻想過喺草地舉辦婚禮：喺綠油油嘅草地上面，陽光和煦，微風輕彿，然後同另一半許下山盟海誓？今年全新矚目登場嘅輕婚禮場地「微風村 – Aura Garden」就一定啱你 ! 佢哋誓要俾新人一個「被大自然包圍」嘅戶外婚禮體驗，呢個場地可以令您哋嘅愛情故事，喺大自然同浪漫嘅交織中，綻放出幸福嘅光芒。
「環光庭園Aura Garden」名字的來源是禮堂的吊燈，有別一般以華麗水晶燈的設計，Aura Garden使用了簡潔雅致的環形吊燈。日落之後，亮起吊燈，透明天幕反射環形的光影，夢幻的畫面映入眼簾。小編同大家睇場，一齊揭開夢幻戶外婚禮場地「微風村 – Aura Garden」的面紗！
巨型透明天幕：仿玻璃屋的浪漫氣氛！
踏入「Aura Garden」，迎面而來嘅係一大片令人心曠神怡嘅翠綠草地！這片看似無邊無際的草地最適合舉行戶外證婚儀式，陽光柔和地灑在一對新人的臉上，親朋戚友懷着祝福的心參與其中，在遠離煩囂、親近大自然嘅浪漫氛圍下，步入人生新的階段。
「Aura Garden」最吸睛亦都係最吸引嘅就係罕見嘅「巨型透明天幕」！仿玻璃屋嘅設計成為了整個婚禮場地的視覺焦點，而依個巨型天幕都係證婚儀式後，舉行婚宴或婚後派對嘅好地方：新人於天幕下與親友共聚美好時光，伴隨遠方嘅壯麗山景，包保你哋啲婚禮婚禮當日影嘅相，張張都好似拍緊戲咁有Feel！
同其他戶外證婚場地不同，呢到嘅巨型透明天幕仲可以為戶外婚禮提供一個更完美嘅保障！無論於炎熱嘅陽光下，或於雨下嘅時間，巨型透明天幕都可以為新人同賓客遮風擋雨，成為你戶外草地婚禮嘅最強後盾！
2026婚禮套餐：為您量身打造的幸福藍圖，包你食得開心！
無論新人想擁有莊嚴神聖嘅證婚儀式、溫馨熱鬧嘅輕婚禮午宴，定係狂歡嘅After Party，呢度都可以靈活安排，完美配合到新人對婚禮嘅想像。而且巨大嘅天幕場地可以容納到超過350人，咁就唔使驚請唔晒親朋戚友，大把位俾你哋齊齊分享呢個重要時刻！場地已經為大家準備好一系列「度身訂造」嘅婚禮套餐，透明化嘅婚禮套餐可以令新人更清晰規劃婚禮預算，所有套餐資料已經喺Plantoo網站內更新至適用於2027年，包你哋攞到最新鮮滾熱辣嘅資訊！
場地總共分咗兩個時段租場，分別係:10am to 3pm or 5pm to 10pm，無論白日定晝夜都可以舉行婚禮。婚禮套餐嘅最低消費已經包左120人自助午宴套餐，任玩5個鐘，包埋「全場佈置」 ！貼心嘅婚禮套餐真係幫大家慳返好多心機同時間，輕輕鬆鬆搞掂個夢想婚禮場景！新人唔使再周圍搵佈置公司，一個價錢全包式幫你哋搞掂晒，包保個場靚到閃閃發光！
無論新人鍾意食泰式自助餐、精緻典雅嘅西式四道菜、豐盛嘅中式八道菜，定係想搞個輕鬆嘅燒烤派對，佢哋都有好多菜單選擇 ，包賓客食到舔舔脷！套餐仲包埋3個鐘任飲 ，仲可以加錢升級到啤酒、紅白酒、氣泡酒，甚至特色雞尾酒任飲 ！咁賓客就可以飲到盡興，個婚禮氣氛更加高漲！
婚禮神隊友！專業一條龍服務團隊，助你輕鬆籌備婚禮！
「Aura Garden」精心挑選咗一班頂尖嘅婚禮神隊友，提供真正嘅一站式婚禮服務，等新人可以安安心心享受大日子，唔使煩咁多嘢。佢哋嘅合作商戶包括：攝影、化妝、統籌等，樣樣掂！
- 婚禮統籌師 : Merry Marry
- 婚禮攝錄 : DW Production
- 婚紗禮服 : The Bridal
- 場地佈置 : Artisenses
- 證婚律師 : 岑漢和律師
- Make Up : Soinlove
- MC : Sylvia Wong
相對其他戶外草地婚禮場地，「Aura Garden」距離錦上路站只係5分鐘車程，場地仲提供30個停車位，確保每位賓客都可以輕鬆到達同離開，唔使擔心戶外場地好偏遠嘅問題！
交通便利：錦上路站5分鐘，寵物參與都冇問題！
「Aura Garden」係個「寵物友善」嘅戶外婚禮場地，等你哋嘅毛孩BB都可以一齊嚟見證呢份幸福，為婚禮加添更多溫馨同歡樂嘅時刻！場地入面仲有「遊樂場」同埋好有Feel嘅「花瓣風車」，唔單止影相靚，仲可以俾大細路都玩到癲！
貼心冷氣設施：四大長老舒服同Like到爆！
小編我明，婚禮當日新人一定忙到甩轆、緊張到震，而「Aura Garden」真係做得好貼心！場地特別設有「特大新娘房」 ，提供超寬敞又舒服嘅私人空間，等新娘可以喺度從容準備，享受變身公主嘅時刻。同時，仲有1間好貼心嘅「長老房間」 等長輩們都有個舒服嘅地方休息，確保佢哋婚禮前可以放鬆心情，仲可以做敬茶儀式用！
另外， 無論賓客想小睡一會定係親友想聚下，「小木屋冷氣房」都係個好理想嘅舒服選擇。睇得出「Aura Garden」細節考慮得好周到，目的就係想新人同賓客都有個最舒服嘅體驗，等成個婚禮過程順順利利！
結語：
「Aura Garden」唔單止係一個場地咁簡單，佢直情係你哋夢想婚禮嘅「起跑線」，一個可以同親朋戚友一齊編織永恆回憶嘅「魔法空間」！呢度有超勁嘅「巨型透明星空天幕」，包你哋喺星光下許下誓言，浪漫到暈！佢仲係個「寵物友善」嘅「戶外婚禮場地」，咁你哋嘅毛孩家人都可以一齊嚟見證幸福，真係冧到爆！
由靈活嘅場地設計、完善嘅設施，到貼心嘅婚禮套餐，仲有佢哋個「勁抽」專業合作夥伴團隊，「Aura Garden」睇嚟都係想為你哋打造一場「零煩惱」、難忘嘅婚禮盛宴。小編相信，佢哋每一個細節嘅用心，都將成就你哋大日子入面最美好嘅回憶。
