【靚相指導｜拒絕NG】交換結婚戒指小貼士｜附步驟圖及注意事項
交換戒指看似簡單，但背後就有大大學問！
交換結婚戒指 3大注意事項
1. 結婚戒指戴於左手無名指
「古埃及人認為左手無名指的血管直接通往心臟，因此，被稱為「愛情之脈」 (Vena Amoris)。」
意思是當套上戒指時，可以將雙方的愛情經由左手無名指，直接通往彼此的心。自此以後，人們便把套在無名指上的指環，視為兩人因愛情而結合的象徵。」
西方傳統亦認為左手代表上帝賜予運氣，而傳統基督教儀式上，牧師會手拿戒指輕觸新人左手說：「奉聖父、聖子及聖靈之名」，最後戒指落在新人左手無名指上。
2. 新郎要注意！睇清楚 拎岩結婚戒指
當律師邀請新人交換戒指時，一般會由男性先由戒指枕拎係其中一隻戒指。
女性手指圍普遍都比男性細。如果新郎拎錯咗戒指幫小姐戴，都會戴得入因為有鬆；但到新娘時無得揀，只可以選擇格硬黎／重新交換過啦 🙁
3. 靚相&流蝪 手勢原來都有學問
好多人都以為交換戒指，只要拎起隻手，幫佢戴就得。
直到婚禮後睇番相，先發現原來隻手遮住戒指、手指望落好粗魯…等
其實除左當日攝影師功架之外，自己嘅動作、表情同姿勢都係影響成張相片構圖嘅關鍵！
交換結婚戒指教學 逐步拆解
好多人都以為交換戒指，只要拎起隻手，幫佢戴就得。
直到婚禮後睇番相，先發現原來隻手遮住戒指、手指望落好粗魯…等
即使講究禮儀的皇室婚禮，交換戒指時，王妃啲手指同戒指都被皇子隻手遮擋😨
其實除左當日攝影師功架之外，自己嘅動作、表情同姿勢都係影響成張相片構圖嘅關鍵！
以家就同大家遂步拆解：「靚相是如何煉成的！」
＊附加最常NG位 😉 等你注意勿做錯~
Step 1｜預備動作
✅ 男女面對面，雙手拖手
✅ 男左手鬆手後，右手將女左手平放於左手上
❌ 男左手沒攤平，沒法托好女手，令女左手拱起
Step 2 ｜手部動作
✅ 女手指伸直，攤平外露於男左手外
❌ 女手全放在男手掌上，未有外露
❌ 女手正確外露，但四指緊抓男手
Step 3｜戴戒指前的準備
✅ 男右手拿起戒指，以三指夾住
❌ 以兩指拿戒
✅ 男手掌心向天，經女手下方戴入，避免遮擋
❌ 掌心向下，經女手上方戴入，遮擋戒指
Step 4｜戴戒指方法
✅ 女左手指合攏
❌ 女左手指擘開
✅ 戒指戴到無名指第二指關節前，稍作停頓，讓攝影師影相
Step 5｜男完成動作
✅ 男把戒指戴到女無名指盡處
Step 6｜手部動作
✅ 女左手拖緊男左手，把手上下反轉，形成男手上女手下的姿勢
✅ 女左手攤平，男左手平放於女左手上
✅ 重複以上 Step 2 – 5
